ابوذيات

طبع ذيب وغزاله تجمعن بيك
وسبحانه الجمع رقه بشراسه
الناس تكوم تحرس من يجي الليل
وانته الليل لازملك حراسه
لغز ماحله كلمن حاول وياه
بشرجسمه الكمر والشمس راسه
ياواحه عسل والعمر خلص جوع
على كيفك بس دبج ماردنه طاسه


لو رأساً تكلي ارجوك هدنه
وتعاركني وتريد النوب هدنه
ولك والله العشك وياك هدنه
مريض انا تعال اسأل عليه


يومه رماني الهوى وحيلي بده محلل
ونار البكلبي سعرت ماشافهه محلل
ناديت ولفي تعال بشوك وامحي الليل
واكرب عليك النبي والواحد الاحد
وزيح هم البدى من الاثنين للاحد
واني يايومه ان متت لاتتهمون احد
كتالي ذاك الترف ماهوب ومحلل

لو تعرفني احبك واشتمنك
لان منطي لواشي وشته منك
اريد اليوم احضنك واشتم منك
واشوفك هم تذب روحك عليه

وشوف شلون حالي من تسلني
ولكن سيف صدك من تسلني
الدمع يغلب جوابي من تسلني
اضحك بالجذب غصباً عليه


لان ماريد اشوفك يوم حزني
وتدري بسيف هجرك ولك حزني
كلبك انت وحدك الي حازني
وحيازه وحمل سلمتك بديه

لو تذكر رباي وياك والعن
ولاتنغر على الي بيك والعين
فرضنا لو اسبك حيل والعن
ولك هم بغيض وك تزعل عليه


لو مره تمر مثل الشماته
وانا لنحرك ولك يسمر شماته
علي مغرور كالولي بشماته
صحيح بشامتك تنغر عليه
حـــــرامي انــــت
حرامي انت وبكت كلبي
عكس كل الحراميه
الحرامي ايبوك نص الليل
وانت تبوك ضهريه
وانا مستانس وراضي
ولااسولف على البيه
تكلي الناس مو كلبك
اكل للناس مو ليه
تكلي الناس مو باكك اكول انطيته بيديه
حبيبي وباك دلالي شعليهه الخلك بيه
عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه

رسائل روعه
وعوزين المزيد